تاريخ التسجيل : 07/10/2012 عدد المساهمات : 167 السٌّمعَة : 2 نقاط : 239 العمر : 33 الموقع : sabaya.ae
موضوع: موضوع شامل عن الطرق البديله لكسب الالماس الجمعة أكتوبر 12, 2012 12:59 pm
تحديث: عايزه اوضح حاجه انا برد
عليكم ياصبايا فى اخر الموضوع وعلى كل اسئلتكم لكن مش بتاخدوا بالكم انا كل اسبوع تقريبا بتفقد الموضوع والاسئله برد عليها فدوروا على الاجابه فى الصفحه الاخيره
تانى حاجه انا ياجماعه بطلت ادخل بالبرنامج لانى قللت سرعه النت عندى فبقى صعب انى ادخل بالبرنامج اللى بيتقل النت طبيعى فمش عارفه ايه اخبار العروض حاليا وياريت محدش يبعتلى رسائل فيها بياناته لانى مش بدخل فعلا بالبرنامج اجتهدوا وحاولوا انتم وياريت تسامحونى على عدم الرد على الرسائل انا بدخل كل اسبوع مثلا وبلاقى اكتر من 10 رسائل طلب شحن الماس وبيانات وصعب على ارد على كل رساله انا كنت شحنت للبعض زمان لما كنت بقدر ادخل بالبرنامج لكن دلوقتى بقى صعب جدا ومش محتاجه اتقاسم الالماس اللى بشحنه مع حد مقابل الشحن انا كنت بشحن للصبايا بدون مقابل فياريت محدش يبعت عروض بالتقاسم عشان اشحن ارجوكم :rolleyes:
السلام عليكم اهلا ياصبايا
كثرت فى الاونه الاخيره مواضيع عن كسب الالماس مجانى عن طريق الطرق البديله وبعض المواضيع للاسف كذب هدفها خداع الصبايا وبعضها صحيح 100% ومبروك عليهم الالماس وعلى الناحيه الاخرى بعض الصبايا فشلت معاهم الطريقه فحبيت اعملكم موضوع يفيدكم باذن الله فى موضوع الالماس خصوصا للى مش بيشحنوا زى حالتى وان شاء الله يكون الموضوع شامل وباذن الله هيجيب عن كل اسئلتكم
بس احب اقوقلك ان الموضوع مش سهل قوى زى ما انتم متخيلين انا بقالى شهرين فى مجال الطرق البديل كسبت كتير والحمد لله عشان كده بعرف لما اخت تقول انها كسبت اذا كانت بتضحك علينا ولا لأ لازم تعرفوا ان العروض اللى بتكسب مكسب الالماس من كل عرض مش كتير لكن بسبب كثره العروض فاجمالى المكسب بيكون عالى يعنى اى حد يقولكم كسبت مليون الماسه ده خداع طبعا انا بتكلم عن العروض المجانيه لان فى عروض مش مجانيه بتكسبكم الماس كتير للعرض الواحد وعشان تاخدى الالماس بتشترى بالفيزا اى منتج للشركه عشان توصلك الالماس وفعلا الماسها بيكون كثير ممكن العرض يوصل 2000 ماسه لكن احنا هنتكلم عن العروض المجانيه كسبت منها 1660 ماسه ومازالت فى عروض اخرى ممكن اكسب منها لكن الموضوع مرهق جدا فبكسل شويه وان شاء الله موضوعنا هيتناول الاتى:
تعريف عام بفكره الطرق البديله والعروض لماذا لاتفتح العروض لبعض الصبايا البرامج المخصوصه للتسجيل بالعروض مع الشرح طرق التسجيل بالعرض والبيانات اللازمه لاكمال التسجيل طريقه معرفه عدد الالماس اللى وصلك من كل عرض وان شاء الله يكون الموضوع مصور
وطبعا عشان كلامى يبقى مؤكد صورتلكم الالماس اللى وصلنى بس انا صرفته كله للاسف هههههههههه لكن صورتلكم كل طريقه بديله وجنبها عدد الالماس اللى الشركه بعتته لى
ديه صوره كل مجموعه الطرق البديله وكتبت جنبها عدد الالماس اللى كسبته من كل مجموعه اخر اتنين سجلت به كلهم ولم يصلنى اى شىء واضح ان الشركه وقفت العروض ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ وديه صور عدد الالماس تحتيه خط احمر كل شركه بعتتلى كام:
اول واحد بالقائمه اسمه superreward وده عن تسجيل للهاتف وكان اول حاجه جربتها بالكسب المجانى وجزاها خير الاخت اللى عرفتنى عليها
ده ربح تانى واحده بقائمه الطرق البديله اسمها supersonic
ربح خامس واحده فى القائمه اسمها blvmedia فيها اعلانات كتيييييييير وكل ما تخلصى تسجيل فى العرض بيعمل عليه إكس
== معلش الصوره مش لاقياها لكن بنات كتير حطت صورتها وهى شكل صبيه وتضغطوا على الاسهم بجوارها هتظهر الاعلانات بعضها مجانى وبعضها لا العروض المجانيه الماسها قليل يعنى لحد 85 ماسه فقط ===
صوره سادس واحده بالقائمه اسمها sponser pay
صوره سابع واحد بالقائمه اسمه matomy
واخر واحد بالقائمه اسمه somtricوزى ما قولتلكم فى الاول سجلت ولم يصلنى شىء
************************************************************************************************************************************************************************************************************************************************************************************************************************************************************************************************************************************************************************************************************************************************************************************************** كلمه اخيره ان شاء هشرح كل شىء بالتفصيل لكن لى عندكم طلب ورجاء دايما كنت بشوف البنات فى المواضيع بيطلبوا من صاحبه الموضوع تشرح كل خطوه واسئله كتير قبل ما تجرب ياريت تبقوا شاطرين يابنات وتجربوا بنفسكم الاول وبعد كده تسألوا يعنى ما تلقيش ردود مثل: مش عارفه اعملها -اشرحى اوضح - شوى اسوى -ما نجح- ما وصل لذلك ارجو القراءه جيدا واذا لم تجدوا اجابه لسؤالك فى نهايه الموضوع فسألوا براحتكم وانا تحت امركم انا اعطتكم فكره وان شاء الله تكون تفصيليه لكن لازم تجربوا بنفسكم كل الخطوات لوحدكم زى ماانا عملت مجرد عرفت ان فى طرق بديله وبعدها كل ده كان بمجهودى الشخصى وبحثت فى جوجل على البيانات وحاجات كتير هبقى احكيلكم عليها فى وقتها
طيب نبدأ على بركه الله دلوقتى اتأكدوا من كلامى بالصور نبدأ باول شىء تعريف عام بفكره الطرق البديله والعروض؟؟ الفكره ببساطه زى الاعلانات التسويقيه للشركات يعنى الشركه بتزل اعلانات للصبايا عشان يسجلوا بيها او بتعمل استبيان لدراسه معينه ومقابل تعاونك معهم بيعطوكى الماس وكل اعلان بيتكتب قداموه عدد الالماس اللى هيوصلك ومده التأخير فى الوصول وبتكون كالتالى مثل الطريقه البديله اللى اسمها suppersonic ثانى واحده بالقائمه لما تضغطوا عليها هتلاقوا عروض كتيره وممكن تلاقوا اعلانات داخل العروض يعنى اعلان داخل اعلان داخل العرض الواحد وفى عروض بطالبك تسجلى ولو فى اعلان واحد من اعلاناتها حتى تتم عمليه وصول لالماس وهو ده المرهق فى الموضوع انك كل عرض بتسجلى فيه كأنك سجلتى فى اتنين العرض والاعلان اللى بداخله
لماذا لا تفتح العروض لكل الصبايا؟؟ لان اللعبه اصلها اجنبى وكل الشركات اللى بتعمل اعلانات بتكون من دول اجنبيه والدول العربيه لن تفتح معها الصفحات الموجوده بالدول الاجنبيه لان الفح بتعرف من خلال الايبى الخاص بشبكه الانترنت انك من مصر او السعوديه او او فبتتحجب عنك الصفح فلازم تكونى مثلا من امريكا (عليها لعنه الله)حتى تفتح معك الصفح
البرامج المخصوصه لفتح العروض ؟؟ وعلاقتها بالفيروسات؟؟ طيب بنات اولا نعرف وظيفه البرامج ديه البرامج ديه بتعمل على اخفاء الايبى الخاص بك وبتحولك الى ايبى امريكى حتى تتعرف الصفح عليكى كمقيمه فى امريكا وتقوم بعرض الصفحات عشان كده الانتى فايروس بيعرف ان اعدادات شبكه الانترنت اتغيرت بتطلع رساله ان ده فيروس لكن ده خظأ هو ليس فيروس ولا يسبب اى مشاكل للجهاز انا عندى البرنامج بقاله 3 شهور ولم يحدث شىء
واشهر البرامج المستخدمه برنامج hotspot وطريقه تسطيبه على الجهاز لازم تكون صحيحه عشان يشتغل وهى كالتالى بعد تحميل البرنامج من هذا الرابط http://www.mediafire.com/?6yt70r59dbd7p51
بعدها لازم توقفوا عمل الانتى فايروس عندكم توقفوه وليس اغلاقه يعنى مثلا انا بستخدم النود تروحى على كلمه setup ثم نضغط temporaarily disable antivirus وبعد كده تفتحوا البرنامج وتسطبوه عادى على الجهاز وبعد الانتهاء تفعلوا الانتى فايروس بنفس الطريقه تضغطوا setup ثم enable antivirus
بعد كده هتلاقوا علامه البرنامج مربع احمر بجوار الساعه وبداخله حرف c تضغطوا كلك يمين عليه ثم تشغبل هيفتح صفحه ويب ويبدأ عمليه تحويل الايبى الى اىبى امريكى لما تبقى العلامه لونها اصفر معناه انه بيتصل بالشبكه ولما يتحول الى اخضر معناه انه اصبح جاهز للاستخدام هتلاقوا بقى كل شويه رساله من الانتى فايروس بيطلب منك حذف الفايروس اعملوا noactionكل ما تظهر لان لو عملتوا حذف البرنامج ما راح يشتغل كويس وبكده تقدروا تدخلوا كل العروض بسهوله
لكن ملحوظه البرنامج بيثقل الانترنت كثير فخلوا عندكم صبر شويه
تعالوا بقى للنقطه المهمه وهى طرق التسجيل بالعرض والبيانات اللازمه لاكمال التسجيل؟؟؟ دلوقتى انتم دخلتم على طرق بديله ثم فتحتوا ثانى اختيار وهو superrsonic هتفتحلكم هذه الصفحه تضغطوا على كلمه free عشان يظهرلك العروض المجانيه فقط
==الصوره فى المشاركه السابقه رقم 2==
هتلاقوا بقى مجموعه عروض مثلا اول واحد تشوفوا هو طالب ايه ياامابيعطيكى حاجه تحمليها على الجهاز وتسطبيها وبعد كده توصلك الالماس ولا انصحكم تفتحوا هذه العروض لانى لقيت اللى حملته فيه فيروسات واللى ما فيه لم يصلنى اى شىء منهم زى اول عرض فى الصوره مكتوب جنبه 9 coins ومكتوب بخط صغير coins award when you download and instal the toolbar وده معناه المكافأه او الالماس يصل عندما تحملى وتسطبى التولبار فى بقى عروض تانيه زى اخر واحد فى الصوره السابقه بيتكتب فيها coins award when you signup وده معناه بيوصل الالماس عند التسجل وهى ديه العروض المفيده
طيب بعد ما بتضغطوا على العرض بيفتحلك صفحه تانيه بيطلب منك اما الzipcod اوالايميل وهقولكم البيانات فى الاخر بعد كده بضغطوا على موافق لحد النقطه ديه فى عروض بتوصلك الالماس فورا وفى عروض بتفتحلك صفحه تانيه بيطلب فيها معلومات اكثر عنك زى عنوانك وتلفونك وهكذا بغرض توصيل هديه لك بعد ما بتكتبوا بياناتكم بيحولك لصفحه اخرى بها اعلانات عشان تسجل بيها وطبعا اعلانات كتير عندك حريه التسجيل او تضغطوا على skip او pass عشان يحولك للاعلان الاخر وهكذا حتى النهايه لما يقولكم Congratulations ساعتها تقدروا تقفلوا الصفحه بتقوم العمليه انتهت ههههههههههه طبعا هتكونوا انتم كمان اتهيتوا لانكم هتقعدوا ربع ساعه فى التسجيل فى عرض واحد فقط وكل العروض بالشكل ده ههههههههههههههههههه نسيت اقولكم ان لما يحولكم لصفحه الاعلانات وتعملوا skip فى الاخر هيجبلك كللللللللللل الاعلانات مره واحده وجنبها yes او no اعملوا كله no ماعدا واحد فقط لان القانون انك لازم تسجلى باعلان واحد على الاقل وفى الاخر هيجبلك تانى قائمه بباقى الاعلانات ومكتوب جنبها no اوshowe me اعملوا كله no وبكده يقولكم مبروووووووووووووووووووووو وك
ربنا يعينكم بقى
********* طيب تيجى بقى لنقطه البيانات اللى بيطلبها منك بصوا ما ينفعش تكتبوا اى كلام لان المفروض انك من امريكا يعنى لازم تكتبوا بيانات امريكيه طيب هنجبها ازاى انا بحثت فى جوجل ايام عشان ادور على بيانات والحمد لله لقيت وهى ديه اللى كنت بسجل بيها وكانت بتنجح ما عدا رقم الهاتف فى عروض بتعرف انه رقم مزيف فأنتم وحظكم ياقلكم الرقم خظأ ياما لاحظ لانه العرض اللى بيطلب الرقم الصحيح بيتصل بيك عشان يتأكد المهم اتفضلوا البيانات
zip code:10001 stat:NY(NEWYOURK address:225 12th ave phone:502-xxx-xxxx home phone:212-xxx-xxxx الاكس يعنى اى رقم يعجبكم يعنى يبدأ ب502 ثم اى 3 ارقام ثم اى 4 ارقام هى ديه البيانات الامريكيه نيويورك وطبعا تكتبى ايميلك صح واى بيانات اخرى اكتبوها اى حاجه
السؤال الاخير طريقه معرفه عدد الالماس اللى وصلك من كل عرض؟؟؟؟؟ شيفين فى الصوره السابقه تحت كلمه الربح بالاحمر فى كلمه view earn statusيعنى معرفه حاله المكسب او الربح تضغطوا عليها يقولكم ايه العروض اللى نجح الرصيد ووصلك وايه العروض اللى لم تصل